ميس شلش كلمات بعض الأناشيد

الجزء الأول

جن جنونو


أنا صوت الإنتفاضة وما يعلى على صوتي صوت

أنا وصية شهيد على تراب الوطن عشق الموت

أنا اللى صوتي رفض كل صمت وسكوت

أنا أختي اللى تزينت وتحزمت بالموت

أنا صوت الأرض بنده بعالي الصوت

أنا يا عرب شط البحر حدي بكفي ظلم وسكوت

أنا صوت الحجر .. صوت الشجر .. نزف الجريح

أنا صوت المخيم وبالدم بكتب التصريح

أنا صبر المصطفى أنا دمع المسيح

أنا اللى صوتي غضب عالعرب يصرخ ويصيح

ربنا يحرمكم جنته مدام أقصانا جريح



جن جنونو يا جنين هيو عرف إحنا مين

إحنا أبطال الأقصى والشقاقي وياسين

أبو علي علمنا نموت وتحيا فلسطين

جن جنونو يا جنين هيو عرف نحنا مين

جن جنونو وعقلوا طار لما شاف ولاد صغار

من بلاطة للمنطار بريج وحارة الياسمين

جن جنونو يا جنين لسة ما عرف إحنا مين

إحنا أبطال الأقصى والشقاقي وياسين

أحمد ياسين علمنا نموت وتحيا فلسطين

إحنا نار محزم نار إرادة وهمة وإصرار

إلنا السما وإلنا الدار

زيتونتنا وكرم التين

جن جنونو يا جنين هيو عرف إحنا مين

إحنا أبطال الأقصى والشقاقي وياسين

الشقاقي علمنا نموت وتحيا فلسطين

جن جنونو لما شاف أبو على الأكتاف

وبتهتف جنبوا الآلاف إحنا رجالك فلسطين

جن جنونو يا جنين هيو عرف إحنا مين

إحنا أبطال الأقصى والشقاقي وياسين

الختيار علمنا أبو عمار نموت وتحيا فلسطين

إحنا نبض الأرض الحرة لما بنولد تولد ثورة

حتما غاصب أرضي برة ويعودوا كل اللآجئين

جن جنونو يا جنين هيو عرف إحنا مين

إحنا أبطال الأقصى وأبو علي وياسين

المجدوب علمنا نموت وتحيا فلسطين

إحنا شعب نعيش عزاز

يسمع شارون وموفاز

جيشك علينا ما فاز بكرة بتركع يا حزين

جن جنونو يا جنين هيو عرف إحنا مين

إحنا أبطال الأقصى وأبو الريش وياسين

أبو علي علمنا نموت وتحيا فلسطين

جن جنونو وجنناه

حق العودة أعلناه

وطني غالي ما بنساه مين بينسى فلسطين

جن جنونو يا جنين هيو عرف إحنا مين

إحنا أبطال الأقصى واللجان وياسين

خالد أكر علمنا نموت وتحيا فلسطين

إحنا جيل الثورة الجاي والرب بنصرو معاي

يارب تسدد خطاي .. والسامع يحكي آمين

جن جنونو يا جنين هيو عرف إحنا مين

إحنا أبطال الأقصى والشقاقي وياسين

أبو جهاد علمنا نموت وتحيا فلسطين

--------------------------------------------------------------------------------

الجزء الثاني

هي هي يلا


قال يا عاشق لأرض الوطن

بالدم الوطن بعود

بكفينا سراب وحكي بكفي كذب ووعود

بلادنا جنة عدن إلها يا لاجئ عود

ونزرع روابيها يا خيي بساتين حنون وورود

هي هي هي يلا هي هي هي يلا

هي هي يلا في الشوارع والحارة

شب وختيار صبية مع ختيارة

نتحدى الموت والإرادة جبارة

تكرم هالأرض تكرم والنعم والله

هي هي يلا هي هي يلا

هي هي يلا هاذي مسرى نبينا

هي كبرنا والعودة على إيدينا

كبار صغار هينا طلعنا تحدينا

هذي فلسطين يا عرب مش حيا الله

هي هي يلا هي هي يلا

هي هي يلا يا عرب تعالو شوفوني

أنا فلسطين والدمع وسط عيوني

ظلوا صامتين كأنهم ما سمعوني

وبعالي الصوت قلتلهم معنا الله

هي هي يلا هي هي يلا

هي هي يلا نادت هالأرض بالصوت

حق العودة لولادي مع إنو سكوت

طالب ننساه قلنالو تفشر وتموت

حيفا ويافا قبل القدس ورام الله

--------------------------------------------------------------------------------

الجزء الثالث

نادي الوطن يما


نادى الوطن يما

من نومي صحاني

وصحيت بنص الليل

عصوتو بكاني

يما الشجر بإن والأرض بتنادي

مين اللى يعطي الروح ما يمن يا ولادي

شوري يا يما علي

قوليلي شو أسوي

في صدري هبت نار بركانو بدوي

ما أنسى أنا بيوم قلتيلي ديربالك

فيها البطل خالك

صوتك بدون الناس

علا على الرصاص

إكبر يا إمي إكبر وإن شاء الله عقبالك

نادى الوطن يما

من نومي صحاني

وصحيت بنص الليل

عصوتو بكاني

شالوني على الكتاف

بردان ومتلثم

ناديتو يا خالى وأنا شفتوا متبسم

حكيتو وحاكاني

يما ووصاني إفدي الوطن بالروح

وإتبع درب خالك

نادى الوطن يما

من نومي صحاني

وصحيت بنص الليل

عصوتو بكاني

يمي العهد إوفيه

هذا العهد عهدي

أخت البطل إنت

ما في حدا قدي

تكفيني كلمة روح

خليكي عوادي

وبتضحكيلي ليش وإيدك على خدك

نادى الوطن يما

من نومي صحاني

وصحيت بنص الليل

عصوتو بكاني

روح يا إمي روح

يا بلسم جروحي

يا ببو عيني إنتا يا مهجتي وروحي

يوم المنى إستنيت والغالي هيني إعطيت

يشهد على الله والأرض والسامعين

يا روح روحي روح

أهديتك لفلسطين ..


--------------------------------------------------------------------------------

الجزء الرابع

على جدارك


علي جدارك علي وإعلي أكثر

جمع أغراب الدنيا وزيد العسكر

إهدم بيتي عليا وجرف الأشجار

تاريخي الفلسطيني ما بيتغير

علي جدارك علي زيد البنيان

حاول تطمس تاريخي عندي العنوان

حيفا ويافا والرملة اللد وبيسان

أرض بلادي يا غاصب راح تتحرر

علي جدارك علي وإعلي أكثر

جمع أغراض الدنيا وزيد العسكر

إهدم بيتي عليا وجرف الأشجار

تاريخي الفلسطيني ما بيتغير

على جدارك علي أقطع الأوطان

بتحداك وما بركع حافي وعريان

إسأل عني فلسطين جدي كنعان

يشهدلي العالم إني لا لا أقهر

علي جدارك علي وإعلي أكثر

جمع أغراض الدنيا وزيد العسكر

إهدم بيتي عليا وجرف الأشجار

تاريخي الفلسطيني ما بيتغير

على جدارك علي وإرسم الحدود

تاريخك بأرضك بلادي ما هوا موجود

منا إبراهيم وعيسى منا المحمود

واللى بيتحدى وجودي حتماً بخسر

علي جدارك علي وإعلي أكثر

جمع أغراض الدنيا وزيد العسكر

إهدم بيتي عليا وجرف الأشجار

تاريخي الفلسطيني ما بيتغير

-------------------------------------------------------------------------------

الجزء الخامس


إسمَع يا سيدي إسمَع


إسمع يا سيدي إسمع

بنموت وما بنركع

حتى إسأل الزيتون

وبيشهد الحنون

وسهولي وجبالي عن دمي وأفعالي

تراب الوطن غالي وبنعشقو بجنون .. إسمع

إسمع يا سيدي إسمع

بنموت وما بنركع

تراب الوطن غالي وبنعشقو بجنون .. إسمع

إسمع لصوت الأرض

إسمع حكاوي الناس

بركان شعبي بينتفض .. صار الجسد متراس

وكبرنا بعيون الوطن صرنا إلو الحراس

يرخصلوا لو يغلى الثمن .. أجمل وطن بالكون .. إسمع

إسمع يا سيدي إسمع

بنموت وما بنركع

تراب الوطن غالي وبنعشقو بجنون .. إسمع

إسمع لصوت الرعد .. هاذي خطاوينا

والدم منا كالمطر .. يروي أراضينا

ما فينا يوم اللى بخل أرواحنا إعطيناه

إسأل تينتنا اللى إرتوت وبتسأل الحسون

إسمع يا سيدي إسمع

بنموت وما بنركع

تراب الوطن غالي وبنعشقو بجنون .. إسمع

إسمع لصوت الشعب والزفة للعرسان

كرمان عيون الوطن هي أجمل الفرسان

وإحنا على نفس الدرب لو طول هالزمان

هاذي فلسطين العرب عنا الشرف ما يهون .. إسمع

--------------------------------------------------------------------------------

الجزء السادس


عنَّا عيد


عنا عيد عنا عيد في المخيم عنا عيد

في القرية والمدينة زفوا بفرحة وأناشيد

في الشوارع .. عنا عيد

في المدارس .. عنا عيد

في الكنائس .. عنا عيد

في الجوامع .. عنا عيد

كل ساعة نودع شهيد

عنا عيد عنا عيد في المخيم عنا عيد

في القرية والمدينة زفوا بفرحة وأناشيد

عنا عيد تزفوا الناس

بسمة ودمعة وزخ رصاص

بتغنيلوا هالحراس .. وبتهتفلوا هالحراس

لا لا ما بنحيا عبيد

عنا عيد عنا عيد في المخيم عنا عيد

في القرية والمدينة زفوا بفرحة وأناشيد

عنا عيد العين تشوف بعلم الحرية ملفوف

بدي أحكيها عالمكشوف

فلسطيني وطبعي عنيد

عنا عيد عنا عيد في المخيم عنا عيد

في القرية والمدينة زفوا بفرحة وأناشيد

عنا عيد وفرحانين كرم عيونك فلسطين

حق العودة للاجئين .. حق العودة للاجئين

لا لا عنوا ما بنحيد

عنا عيد عنا عيد في المخيم عنا عيد

في القرية والمدينة زفوا بفرحة وأناشيد

في الشوارع .. عنا عيد

في المدارس .. عنا عيد

في الكنائس .. عنا عيد

في الجوامع .. عنا عيد
--------------------------------------------------------------------------------

الجزء السابع

يَا حَلالِي ويَا مَالي



يا حي الله يا حي الله ..

يا حلالي ويا مالي

إسمع صوتي إسمعني مليح

سجلي أول تصريح

يا جبل ما يهزك ريح

صادق في قولو الختيار

يا حلالي ويا مالي

بدي أحكي بإسم اللآجئين

هاللى ذاقوا الأمرين

مرفوض حل التوطين

وحق العودة أصبح قرار

يا حلالي ويا مالي

هالحكومة مش حماس هي حكومة كل الناس

وحدتكم هي الأساس

وهي شرط الإنتصار

يا حلالي ويا مالي

فجرنا هالصمت بدم

بلكي شمل العربي إلتم

فوق همومي زادو هم

واللى مش تاجر سمسار

يا حلالي ويا مالي

لأحلف بالرملة وبيسان

حيفا ويافا وعسقلان

صوتي للوطن عنوان

والحرة تربي أحرار

يا حلالي ويا مالي

مزروع بلادي ثوار

بالدم نروي الأزهار

تكرم عينك يا هالدار

لسة الحبل عالجرار

يا حلالي ويا مالي

لأحلف برب المسيح

بالعربي لساني فصيح

فرسان بنركب عالريح

وبكرة بنتخطى الجدار

يا حلالي ويا مالي

عهدي للي تعبوا سنين

أبو علي مع ياسين

بكرة تزفك فلسطين للأقصى يا أبو عمار

يا حلالي ويا مالي


--------------------------------------------------------------------------------

الجزء الثامن



بكرة الوطن بعود

جرعونا المر يا ستي كاسة بعد كاسة ,,

وحرمونا من الأوطان يا إمي يا أهلى ويا ناسي ,,

وسكننونا البراري يا ستي بجوع وذل غير المآسي ,,

إسم لاجئة أعطوني يا ستي وبكجة بالكياس ,,

وإن كان حظي أنستر في قطعة على قياسي ,,

وصيتكم يا ستي الوطن وإوعوا تسمعوا لأصحاب الكراسي ,,

الموت بعزة وفخر ولا التوطين في بلاد الناس ,,

خذي مني يا ستي عهد ما ينطال ,,

أمانتك بالدم تسري ننساها يا ستي محال ,,

والله يا ستي عهد الله يا ستي لو بنولي من الذهب قصور فوق تلال , وزرعوا الزمرد دوالي بأشكال ما تخطر على بال , وجابوا من الحرير ألوانو على مية جمل مع ية جمال ,,

ما تساوي دعسة رجلك يا ستي عشط يافا فوق الرمال

*******


بكرة الوطن بعود يا ستي بإيدينا

قدها إحنا وقدود وهي إحنا بتدينا

عن ذرة رمل ما نساوم عهد الله علينا

نعيم الجنة يا أهلي وأبو فلسطينـــــــــا

عدوك غاصب أرضك خلي إيدك بإيدي

بالوحدة يا إبن بلادي عودتنا أكيدة

تتعود ليالي البدد وأيام الحصيدة

ونجد زيتون الوادي وتحلى أغانينا

بكرة هالأرض تعود وأغني موالي

أزرع ثراها ورود وأسقي بدمي الغالي

وعلى شطك يافا أغني حلالي ويا مالي

وعلى سورك يا عكا لأدبك شمالي ودلعونا

وعلى دلعونا وعلى دلعونا والعودة صارت أقرب ما يكونا

يا صوتي علي يا صوتي علي يسمع صهيوني بأنفوا المتعلي

وعن حق العودة ماني متخلي

طابون بأرضي يسوى هالكون

وعلى دلعونا وعلى دلعونا والعودة صارت أقرب ما يكونا

مرة بشرق ومرة بغرب طيارة تقصف وآلية تخرب

غير الذرية ما ضل يجرف حتى إن جرفها خاسر بكونا

وعلى دلعونا وعلى دلعونا والعودة صارت أقرب ما يكونا

ها هي يا بلادي وشوفي شبابك تعطيك الغالي ويا مرحبابك

يفشر صهيوني يهنى بترابك

وإحنا بنتنفس يا إمي الحنونا

وعلى دلعونا وعلى دلعونا والعودة صارت أقرب ما يكونا

على دلعونا وصوتي مش غايب لأجلك لنحيي كل الكتائب

بالوحدة يا أهلي يعود اللى غايب وبكرة راح نرجع يا أرضي الحنونا

وعلى دلعونا وعلى دلعونا والعودة صارت أقرب ما يكونا

نبني هالوطن تعلى راياتو عنا المدارس أسمى غاياتو

ويرحل هالغاصب معوا أمواتو وإن كان بيقدر ياخد ديمونا

وعلى دلعونا وعلى دلعونا والعودة صارت أقرب ما يكونا

--------------------------------------------------------------------------------

الجزء التاسع

سِيدي وصًّى


سيدي وصى وبيي وبيي وصاني

وصفني عنوان الدار بحكاية وأغاني

حلفني برب السما أصون الأمانة

مفتاح بإيدي بيافا أمني وأعطاني

وصاني وقلي يا سيدي لا تنسوا فلسطين

حق العودة حق مقدس لو طالت السنين

خلي صوتك يعلى ينادي في بيوت اللآجئين

خاين كل من ساوم خاين لديني وأوطاني

سيدي وصى وبيي وبيي وصاني

وصفني عنوان الدار بحكاية وأغاني



بيتنا يا سيدي على تلة بيافا عالبحر بيطل

دايرو بيارة حزينة وساحتو مزينة بالفل

وبيتنا يا سيدي بالعلالى ينده متى يا صاحب الدار على دارك تطل

وحسون بسماها يصدح بدمعو وبصوتو ينادي يا سيدي

يا مشردين إرجعوا بيكفي شتات وذل

هذا الوطن إلنا يا سيدي من نهرو لبحرو

وخلي صوتك يعلا ويعلا تا يسمعوه الكل


صوتك يا سيدي عبى الفضا .. هز الليل صحاني

شريان قلبي إنتفض يا سيدي وسمعتو بصوت الأرض ناداني

وصحيت على دمعي نهر وبركان في الصدر نيراني

لأحلفلك يا سيدي باللى رفع السما وأرسل العدناني

لأعبي عزمي بارود ونار للنصر والجنة عنواني